Al-Bannavaa officially endorses Shabadey

rtrtr

ގައުމީދުވަހާއި ބައިވެރިން

މިއަދަކީ ދިވެހިރާއްޖޭގެ ގައުމީދުވަހެވެ. ޕޯޗްގީޒުންގެ އަނިޔާވެރި ވެރިކަމުގެ އަތްދަށުން މިއަދު އަޅުގަޑުމެން މިދެކޭ ދިވެހި ގައުމު އުތީމު މުހުއްމަދު ތަކުރުފާނުގެ ހިތްވަރުގަދަ އަތްޕުޅުން ކެތްތެރިކަމާއި އަދި ވިސްނުންތެރިކަމާއެކު ސަލާމަތްކުރެއްވި އަގުހުރި ދުވަހެވެ. މިއަދުގެ އުފަލުގައި ބަންނަވާގެ ހުރިހާ ކިއުންތެރިންނަށް ފަތިހަށް ފޮޅޭ ފިނިފެންމަލުގެ މީރުވަހާއެކީ ގައުމީދުވަހުގެ މުބާރަކުބާދީ އަރިސްކުރަމެވެ. އާދެ ! މިއަދާއި ގުޅުވާއިގެން މުޅިރާއްޖޭގައި "ހިގާދަމާ" ނަމުގައި ވަނީ ހިގާލުމުގެ ޕްރޮގުރާމެއް ބޭއްވިފައެވެ. މި ޕްރޮގުރާމް ރާއްޖެއެކޭ އެއްފަދައިން އަޅުގަޑުމެންގެ ހުޅުދޫ މީދޫގަވެސް ވަނީ ބޭއްވިފައެވެ. ސުވާލަކީ މި ޕްރޮގުރާމްގެ މަގުސަދު މިއަދު އަޅުގަޑުމެންނަށް ހާސިލްވިބާއެވެ.
އަޅުގަޑަށް އެގިފައިވާ ގޮތުން މިއަދު ބޭއްވިގެން ދިޔަ "ހިގާދަމާ" ޕްރޮގުރާމް ނުވަތަ އެ ހިގާލުމަކީ ގައުމީ ޖޯޝުގަ ގައުމީ ވަންތަ ގޮތުގާ އެކުވެރި މާހައުލެއްގައި ގައުމީ ރޫހު ދިރުވުމުގެ ބޭނުމުގައި ބޭއްވި ޕްރޮގުރާމެކެވެ. އެހެންނަމަވެސް އަޅުގަޑުމެންގެ ހުޅުދޫ މީދޫއިން މި މަންޒަރު ފެނިގެންދިޔައީ ހީ ކުރި ގޮތަށްވުރެވެސް ފަނޑުކޮށްކަން ދަންނަވަން ޖެހެނީ ހިތާމަޔާއެކުއެވެ. މި ހިގާލުމުގައި ހުޅުދޫ މީދޫއިން މައިގަޑު ގޮތެއްގަ ބައިވެރި ވެފައިވަނީ ދެރަށުގެ ރަށު ސްކޫލާއި ސ.އަތޮޅު މަދަރުސާގެ ދަރިވަރުންނެވެ. ހިގާލުން ކުރިޔަށް ދިޔައިރު ދެރަށުގެ ރަށު ސްކޫލު ހިގާފަ ދިޔައީ ވަކި ވަކި ބައިގަޑެއްގެ ގޮތުގައެވެ. އަދި ހަމަ އެގޮތަށް ސ.އަތޮޅު މަދަރުސާވެސް ފެނިގެންދިޔައީ ވަކި ބައެއްގެ ގޮތުގައެވެ. އެކުވެރި ކަމާއި އެއްބައެއްވަންތަކަމުގެ ކުޑަނަމަވެސް ރޫހެއްނުފެނުނެވެ. މި ހިގާލުމުގެ މަގުސަދަކީ އެއްބައިވަންތަކަން ކަމުގައިވިޔަސް 3 ސްކޫލުންވެސް އެމަންޒަރު ފެނިގެނެއް ނުދިޔައެވެ. އަދި ހަމައެގޮތަށް ހުޅުމީދޫގެ ބެލެނިވެރިންގެ ފަރާތުން ވެސް މިކަމަކަށް މާބޮޑު ސަމާލުކަމެއް ދިންހެނެއް ހިއެއްނުވެއެވެ.
އަޅުގަޑު ގަބޫލު ކުރާ ގޮތުގައި މިހިގާލުން ބާއްވަން ޖެހޭނީ 3 ސްކޫލުގެ ދަރިވަރުންނާއި އެދަރިވަރުންގެ ބެލެނިވެރިންނާއި ދެންވެސް ބައިވެރި ވި ބަޔަކު އެކުވެގެން އެއްމައިދާނަކުން ހިގާލުން ފަށައިގެން ގޮސް، އެއްމައިދާނަކަށް އެހިގާލުން ނިންމާގޮތަށެވެ. ބައިވެރިވި ހުރިހާ ފަރުދުން އެއްބައިވަންތަކަމާއި އަދި އެއްބައެއްވަންތަކަ ބައެއްކަމުގެ ނަމޫނާ ދެންތިބި ބަޔަކަށް ދައްކާ އެބަޔަކަށް އިބުރަތްތަކެއް ހާސިލުކޮށްދޭން ޖެހޭނެއެވެ. ގަބޫލުކުރަން ޖެހޭނެ ހަގީގަތަކީ މީގެ އެއްވެސް ކަމެއް އަޅުގަޑުގަޑުމެންނަށް ހާސިލު ނުވިކަމެވެ. އަދި ފެނިގެން ދިޔައީ ބައިބައި ވެފަ ތިބި ބައެއްގެ ގޮތުގައިކަމެވެ.
ދެން އޮތީ މުޅިން އެހެން ވާހަކައެކެވެ. އަޅުގަޑުމެންގެ ހުޅުދޫ ސްކޫލުން މި ހިގާލުމުގައި ބައިވެރވިގޮތުގެ ވާހަކައެވެ. ހުޅުދޫ ސްކޫލްއިން މިހިގާލުމުގައި އެ ސްކޫލުގެ ދަރިވަރުން ތަކެއް މެދުވެރިކޮށް ބައިވެރިންނާއި މުޙާތަބުކޮށް ވާހަކަ ދައްކަމުން ދިޔައެވެ. ފާހަގަކޮށްލެވޭކަމީ ބައިވެރިންނާއި މުޙާތަބުކޮށް ދަރިވަރުން ދެއްކި ވާހަކަ އަކީ އެކުދިންގެ ޝުއޫރަށް ނުވެފަ އެއީ، ސްކޫލުގެ ކޮންމެސް ގޮބޮޅި އަދީބަކު ލިޔެފަ އޮތް ވާހަކަކޮޅެއްކަމުގައިވުމެވެ. އިރުއިރު ކޮޅާ އެކުދިން އެވާހާކަކޮޅު ކިޔަމުން ދިޔައިރު ލިޔެފަ އޮތް އެވާހަކައިގެ މާނަ ފުންވެފަ ބަޔަކަށް ބުނެދޭން އުޅޭ ވާހަކަ ބުނެނުދެވުނު ކަން ފާހަގަ ކުރެވުނެވެ. އެ ވާހަކަކޮޅު ލިޔުނު ބޭފުޅާ އެވާހަކަކޮޅު ލިޔުނީ ހިތުން މޮޅުވާހަކައެއް ލިޔުމުގެ ބޭނުމުގައި ކަމަށް ވެދާނެއެވެ. ބަޔަކަށް އިބުރަތްތެރި ފިލާވަޅެއް ބުނެދިނުމަށްވުރެ އެ ވާހަކަކޮޅުން ދޭހަވެގެން ދިޔައީ މީހަކު އަމިއްލަޔަށް މޮޅުވާންވެގެން މޮޅު ލިޔުމެއް ލިޔުމަށް މަސައްކަތް ކޮށްފައި އޮތްކަމެވެ. އަދި އެކުދިން އެ ވާހަކަކޮޅު ކިޔަމުން ދިޔައިރު އެކުދިންގެ އުމުރާނުވެސްގުޅޭ އަދި ދުވަހަކުވެސް އެކުދިން އަޑުނާހާ ދިވެހި ބަސްތަށް ވާހަކަކޮޅުގައި ހުރިކަން ފާހަގަކުރެވެއެވެ. އަޅުގަޑަކީ މޮޔައެއްކަމުގައިވިޔަސް އަޅުގަޑަށް ހީވަނީ މިކަހަލަ ގައުމީ އަދި އެއްބައިވަންތަ ދުވަހެއްގައި ސްކޫލެއްގެ ދަރިވަރުންތަކެއް ބަޔަކާ މުޙާތަބުކޮށް ދައްކާވާހަކައަކީ، އެކުދިން އަމިލައަށް މައުލޫމާތުތަކެއް ހޯދައިގެން އަމިއްލައަށް ލިޔެގެންވިޔަސް އަދި ނުލިޔެވިޔަސް ދައްކާވާހަކައެއްގެ ގޮތުގައި ވާންޖެހޭނެއެވެ. އަޅުގަޑު އުއްމީދުކުރަނީ މުސްތަގުބަލުގަ މިކަހަލަ ކަންތައްތައް ކަމާއިބެހޭ ފަރާތްތަކުން ރަގަޅުކޮށް، އަޅުގަޑުމެންގެ ޖީލުތަކަށް އުފާވެރި، އަމާން މުސްތަގުބަލެއް މެދުވެރިވެގެން ދިއުމެވެ. == ކަރުކެހި އަދުރޭ ==

އައްޑޫ ރައްޔަތުންގެ އާދޭސް..!!!

މި އަޑު އިވިވަޑައިގަންނަވާ އެންމެހާ ދިވެހި ރައްޔިތުންގެ ސަމާލުކަމަށް އެދެމެވެ. ތިޔަ އެންމެހާ ބޭފުޅުންނަށް އެގިވަޑައިގަންނަވާނެ ފަދައިން އައްޑުއަތޮޅަށް ފަތުރުވެރިކަން ގެނެވުނީ އެތައް އަހަރުތަކެއްގެ އުއްމީދަށްފަހުގައި އެކަން ދެން ނުވާނޭކަން ޔަޤީންކޮށް ސަރުކާރަށް ފާޑު ކިޔަމުން ރައްޔިތުން ދިޔަ ވަގުތެއްގައެވެ. އައްޑުއަތޮޅުގެ ރައްޔިތުންނަކީ ފަތުރުވެރިކަން ދަންނަ، އެކަމަށް މޮޅު، ފަތުރުވެރިކަން ހިންގޭނެ ބައެއްކަން ހަމަ ޔަޤީނެވެ. މިހެންވެގެންނާއި، އަދި އައްޑުއަތޮޅަށް އިޤްތިޞާދީ ތަރައްޤީ ނުހަނު ބޮޑަށް ބޭނުންވެފައިވާތީ، އައްޑުއަތޮޅުގެ ރައްޔިތުންވަނީ އެތައް އަހަރުތަކެއް ވަންދެން ފަތުރުވެރިކަން ގެނައުމަށް ސަރުކާރުގައި ތަފާތު ގޮތްގޮތަށް ދަންނަވަމުން ގެންގޮސްފައެވެ. ރައީސުލްޖުމްހޫރިއްޔާ އަށް ތަކުރާރުކޮށް ދެންނެވުނެވެ. އެކި އެކި ވަޒީރުންގެ ކިބައިން އެކަމަށް އެދެވުނެވެ. އަތޮޅުވެރިންނާ ކަތީބުން އެކަމާ އުޅުއްވިއެވެ. އާދޭހުގެ އެތަކެއް ސިޓީ ސަރުކާރަށް ފޮނުވުނެވެ. އަދި އެންމެފަހުން އައްޑުއަތޮޅަށް ފަތުރުވެރިކަން ގެންނަން ބޭނުންވެގެން މަގުމައްޗަށް ނުކުމެ މުޒާހަރާވެސް ކުރީމެވެ.
އައްޑުއަތޮޅަށް ފަތުރުވެރިކަން ގެނައުމަށް ފެންބޮވައިގެންފައިވަނިކޮށް، ހެރެތެރެ ރިޒޯޓް ތަރައްޤީކުރެވި، އިންޓަރނޭޝަނަލް އެއަރޕޯޓް ހުޅުވި، ޔޫރަޕުން ފަތުރުވެރިން ގޮވައިގެން އައި ބޮޑު މަތިންދާބޯޓް އަޅުގަނޑުމެންގެ ފަޚުރުވެރި ބަނަދަރަށް ތިރިކޮށްލީ، އަޅުގަނޑުމެންގެ ލޯތަކުން އުފާވެރިކަމުގެ ކަރުނަ ފާއްދަމުންނެވެ. އެދުވަހު އަޅުގަނޑުމެންގެ ކުދި ބޮޑު އެންމެންގެ ހިތްތަކަށް ފެންނަމުން ދިޔައީ ހެރެތެރެ ރިޒޯޓު ފަތުރުވެރިން އިން ފުރި، ވިލިނގިލި ރިޒޯޓްވެސް ހުޅުވި ފުރިހަމަވެ، އައްޑުއަތޮޅުގެ އިޤްތިޞާދަށް ދިރުން އައިސް، މާލެ ސަރަޙައްދު ފަދަ ސަރަޙައްދަކަށް އައްޑުއަތޮޅު ވެގެންދާނެ ކަމުގެ ތަސައްވުރެވެ. އަޅުގަނޑުމެން އެދުވަހު ގޮވަމުން ދިޔައީ "އަފިރިންގެ ހުވަފެން އަދަ ޙަޤީޤަތަކަށްވެގެ!"
އެމް.ޓީ.ޑީ.ސީ އިން ހެރެތެރެ ހިންގަން ފެށުމުން މަޑުމަޑުން ނަމަވެސް އަޅުގަނޑުމެންގެ އުއްމީދުތައް ޙާޞިލުވާން ފެށިއެވެ. ރަށުން ބޭރުގައި، އާއިލާއާއި ދުރުގައި މަސައްކަތް ކުރަމުން ދިޔަ އަތޮޅުގެ ދަރިން އެނބުރި އެބައިމީހުންގެ އާއިލާތަކަށް ރުޖޫޢަ ވާން ފެށިއެވެ. ފަޅުވެފައިހުރި ގޭގެއަށް މަޑުމަޑުން ނަމަވެސް ދިރުން އަންނަން ފެށިއެވެ. ޒުވާނުން އައްޑުއަތޮޅުގައި ތިބުމުގެ އުއްމީދު އާލާވެ ފަތުރުވެރިކަމުގެ ތަމްރީނުތައް ހޯދުމަށް ޝައުޤުވެރިވިއެވެ. ކުރާނެ ވިޔަފާރިއެއް ނެތިފައި ތިބި މީހުން އިތުރު ވިޔަފާރިތައް ކުރުމަށް ލޯނު ނަގައިގެން މަސައްކަތް ފެށިއެވެ. ނަމަވެސް ހިތާމައަކީ މާލަސްތަކެއްނުވެ، ހެރެތެރެ އަމިއްލަ ފަރާތަކާއި ހިންގަން ޙަވާލުކުރުމުން މިދެންނެވި އުއްމީދުތައް ޙާޞިލުވުމުގައި ހިޔަނި އެޅެން ފެށިގެން ދިޔަކަމެވެ. ހެރެތެރޭގެ ހިންގުން ރަގަޅު ނޫންކަމުގެ ވާހަކަތަކާއި، މުވައްޒަފުންނަށް މުސާރަ ލިބުން ދަތިވުމުގެ ވާހަކަތަކާއި، އަދި ހެރެތެރޭގައި އަޚްލާޤީ ފެންވަރުދަށް އަމަލުތައް ދިވެހިންގެ ކިބައިން ފެނިގެންދާކަމުގެ އަޑުތައް އަހަމުންދިޔައީ ހިތާމަޔާއި އެކުއެވެ. ކުރަމުން ދިޔަ އުއްމީދުތައް ވިއްސިވިހާލިވެގެން ދާކަމުގެ އިޙްޞާޞްތައް ކުރެވެން ފެށިއެވެ. ގަމުން އިގިރޭސިން ފައިބާ ގަން ފަޅުވި ފަދައިން ހެރެތެރެ ބަންދުކޮށް ކުރިން އެކުރި ކަހަލަ ހިތި ތަޖުރިބާއަކަށް ރުޖޫޢަ ވާންޖެހިދާނެ ކަމުގެ ބިރު، ހިތައް ވަންނަން ފެށިއެވެ. ކަން މިހެން ވެފައި އޮތްވާ ދެން މިލިބުނީ އެމް.ޓީ.ޑީ.ސީ އިން ހެރެތެރެ މިހާރު ހިންގަން ޙަވާލުކޮށްފައިވާ ފަރާތުން ވަކިކުރި ޚަބަރެވެ.
އާދެ! މިދެންނެވި ޚަބަރަކީ އައްޑުއަތޮޅުގެ ރައްޔިތުން ފަޚުރުވެރިވާ ޚަބަރެއް ނޫނެވެ. އެކަކު އަތުން އަނެކަކު އަތުން ހެރެތެރެ ފުރޮޅެމުން ދިޔުމަކީ އަޅުގަނޑުމެން ބޭނުންވާ ގޮތެއް ނޫނެވެ. ހެރެތެރެއަކީ ކުޅޭ ކުޅޭ ރިޒޯޓަކަށް ވުމަކީ އައްޑުއަތޮޅުގެ ފަތުރުވެރިކަމުގެ މުސްތަޤްބަލް އޮޔާލާން ދޫކޮށްލުން ފަދަކަމެކެވެ. އެހެން ނަމަވެސް މިދެންނެވި ޚަބަރުގެ ސަބަބުން އުއްމީދުތަކެއް އާލާވާންވެސް ވަނީ ފަށާފައެވެ. ސަބަބަކީ ހެރެތެރެ މިހާރު ކުއްޔަށް ހިފާފައިވާ ފަރާތުން އެރިޒޯޓް ހިންގަމުން ގެންދިއުމަކީ އެފަރާތަށް ނުކުރެވޭނެ ކަމެއްކަމަށް ފެންނާތީއެވެ. މިއީ އެފަރާތައް ބަދުބަހެއް ބުނާކަށް އަޅުގަނޑުމެން ބުނާ ބަހެއް ނޫނެވެ. އެހެން ނަމަވެސް އައްޑުއަތޮޅަށް ހެޔޮ އެދޭ ހަމަ ކޮންމެ ދަރިއަކުވެސް ބޭނުންވާނީ، މޮޅަށް ފުރިހަމައަށް ހެރެތެރެ ހިންގޭނޭފަދަ ޤާބިލް ބައެއްގެ އަތްމަތީގައި ހެރެތެރެ ހިންގަން ފަށާނެ ދުވަހެއް ދުށުމެވެ. ވީމާ، އެމް.ޓީ.ޑީ.ސީ އިން އެ ނިންމެވި ނިންމެވުމަކީ އަޅުގަނޑުމެން މަރުހަބާ ކިޔާ ކަމެކެވެ. އެކަމަކު ދެން އެމް.ޓީ.ޑީ.ސީ އިން ހެރެތެރެ ހިންގަން އެހެން ފަރާތަކާ ޙަވާލުކުރާނަމަ އެފަރާތެއް ވާންވާނީ ދިގުމުއްދަތަކަށް ހެރެތެރެ ހިންގޭނޭފަދަ ޤާބިލް ބަޔަކަށެވެ.
ވީމާ، އަޅުގަނޑުމެންގެ އާދޭހަކީ ދިވެހި ސަރުކާރުން ހެރެތެރެ އަށް ދިމާވެފައިވާ މިހާލަތުން ހެރެތެރެ މިންޖުކޮށް، އެމް.ޓީ.ޑީ.ސީ އިން ނުވަތަ ސަރުކާރަށް އިތުބާރު ކުރެވޭ ސަރުކާރުގެ ޙިއްޞާ އޮންނަ ކުންފުންޏަކުން ހެރެތެރެ ހިންގަވައި ދެއްވުމެވެ. އައްޑުއަތޮޅުގެ ފަތުރުވެރިކަން އޮޔާދާން ސަރުކާރުން ދޫކޮށްނުލެއްވުމެވެ. ދިވެހި ރާއްޖޭގެ ކޮންމެ ސިޔާސީ ޕާޓީއަކުންވެސް އަދި އައްޑުއަތޮޅު ނިސްބަތްވާ ކޮންމެ މުއައްސަސާ އަކުންވެސް، އަދި އައްޑުއަތޮޅުގެ މަދަނީ ޖަމްއިއްޔާތަކުންވެސް އައްޑޫ ރައްޔިތުންގެ މިއާދޭހަށް އިޖާބަ ދެއްވުމަށް އަޅުގަނޑުމެން އެދެމެވެ. އައްޑުއަތޮޅުގެ ރައްޔިތުންގެ ޝުޢޫރުތައް ފާޅުކުރުމަށް ޕެޓިޝަނެއްގައި ސޮއިކުރަން މިހާރުވަނީ ފަށާފައެވެ. މިކަމަށް ތިޔަ އިއްޒަތްތެރި ލޮބުވެތި ރައްޔިތުން އެހީތެރިވެދެއްވާނެކަމަށް ޤަބޫލުކުރަމެވެ.
ހެރެތެރެ ރަގަޅުބަޔަކާއި ޙަވާލުވެ ހިންގަން ފަށައި، ވިލިނގިލިވެސް ހުޅުވި، ހަންކެޑެވެސް ހުޅުވި އަދި އައްޑުއަތޮޅަށް ކުރީގެ ސަރުކާރުން ވައުދުވެވަޑައިގެންފައިވާ ޔޮޓްމެރީނާވެސް ހުޅުވި، އަދި މިހާރުގެ ސަރުކާރުން ވައުދުވެވަޑައިގެންފައިވާ މަސްފެކްޓްރީވެސް ހުޅުވި، އަޅުގަނޑުމެންގެ އިންޓަނޭޝަނަލް އެއަރޕޯޓްގެވެސް ފުރިހަމަ ބޭނުންކުރެވި، އިޤްތިޞާދީ ތަނަވަސްކަން އަންނަން ފެށުމުން އަޅުގަނޑުމެންނަށް ބޭނުންވާ ނަރުދަމާގެ ނިޒާމާއި ބޯހިޔާވަހިކަމާއި، އިޖުތިމާއީ ތަރައްޤީއާއި އެކުއެކީގައި ފުރިހަމަވެގެންދާނޭކަން ޔަޤީނެވެ.
އައްޑުއަތޮޅަކީ ރާއްޖޭގެ އިޤްތިޞާދީ ތަރައްޤީގެ އެންމެ މުހިންމު އެއް ބައިވެރިޔާއެވެ. އައްޑުއަތޮޅު ހެރެތެރެ އަކީ އެ އިޤްތިޞާދީ ތަރައްޤީ ފެށުމުގެ އެއް އިންޖީނެވެ. މި އިންޖީނު މިހާރު މިއޮތްގޮތަށްއޮވެ، ފަނާވެދިޔަ ނުދެއްވާށެވެ. މިއީ އަޅުގަނޑުމެންގެ އާދޭހެވެ.
މާތް ﷲ އަޅުގަނޑުމެންނަށް ހެޔޮ ވިސްނުންދެއްވައި ދިވެހިރާއްޖެއާއި އައްޑުއަތޮޅަށް ފާގަތިކަމާއި ތަނަވަސްކަން ދެއްވާށި!

ތެއްދީގެ ފަޑިޔާރުގެ އަބުރުވެރި ފަލްސަފާ

ތެއްދީގެ ފަޑިޔާރުގެ އަބުރުވެރި ފަލްސަފާ

މީހުން ކާވެނި ކުރާވާހަކަ އާއި ވަރި ކުރާ ވާހަކަ އެއީ އަޅުގަޑުމެންގެ މުޖުތަމަޢުން އަބަދުވެސް އިވޭ އަޑުތެކެވެ. ހަމަ އެގޮތަށް ހުޅުދޫ ގަވެސް މިކަންތައް އޮންނަނީ މި ދެންނެވިހެންނެވެ. އަޅުގަޑު ގަބޫލުކުރާ ގޮތުގައި މީހަކު އެމީހަކު ލޯބިވާ މީހަކާ ކާއިވެނި ކުރުމަކީ މައްސަލައެއް ނޫނެވެ. އެހެން ނަމަވެސް ވަރި ކުރުމަކީ މައްސަލައެކެވެ. ވަރިކުރުމުގެ ސަބަބުން އާޢިލީ ބޮޑެތި މައްސަލަ ތަކުގެތެރެއަށް އަޅުގަޑުމެންގެ ޅަދަރިން ގެނބިގެން ދިއުމަކީ އަޅުގަޑުމެންނަށް ބަލަން އެހާ ފަސޭހަ މަންޒަރުތަކެއްނޫނެވެ. ކަންމިހެން އޮތް އިރު ރަށުގެ ކޮންމެ ފަރުދަކީވެސް އާޢލީ ވަރުގަދަ ގުޅުމަކަށް ބޭނުން ވެފައިވާނެ މީހެކެވެ. އަދި އެ ގުޅުން އިތުރަށް ބަދަހި ކުރުމަށް މަސައްކަތް ކުރެވިދާނެ މީހެކެވެ. ޙާއްސަކޮށް ރައްރަށުގެ ފަނޑިޔާރުންނަކީ އާޢިލީ ގުޅުން ވަރުގަދަކޮށް އެގުޅުން އިތުރަށް ބަދަހި ކުރުމަށް އެކިކަހަލަ ޕްރޮގުރާމް ތަށް ހިންގުވިދާނެ ބޭފުޅެކެވެ.އަދި ވަކިން ޙާއްސަކޮށް މިފަދަ ފަޑިޔާރު ބޭފުޅުންނަކީ، އަޅުގަޑުމެންގެ ލޮބުވެތި ޖާބިރުބެ ވިދާޅުވާހެން އަބުރު ވެރި ދިރި އުޅުމެއް އުޅެންޖެހޭނެ ބައެކެވެ. އަދި ރަށުގެ ރައްޔަތުންނަށް ނަމޫނާ ދިރިއުޅުމެއް ދަސްކޮށްދޭން ޖެހޭނެ ބައެކެވެ. ސަބަބަކީ އެބޭފުޅުންނަކީ ދެ ލޯބިވެރިން، ކާއިވެނީގެ މާތް ގޮށުން އެދެމީހުން ގޮށް ޖައްސަވާ އަދި އެދިރި އުޅުމުގެ ހުރި މުހިންމުކަން އެ ދެ ލޯބިވެރިންނަށް ބުނެދޭންތިބޭ މީހުންނަށް ވާތީއެވެ. ވަރިފަށަށް އެރުމުން އެ ދެމަފިރިން އިސްލާހުގެ މަގަށް އަޅުވާ އެ ދެމަފިރިންނަށް ނަސޭހަތްވެސް ދޭން ތިބި މީހުންނަށް ވޭތީއެވެ.

މީ ކަން މިކަން އޮތްގޮތް ކަމަށް ވިޔަސް ހުޅުދޫގައި ހުރި ތެއްދީގެ ފަޑިޔާރު މަނިކުފާނަކަކީ މިދެންނެވި ކަންތައްތައް ކުރުމުގެ ގާބިލުކަން ހުރި މީހެއްތޯ އަޅުގަޑުމެން ބަލަން ޖެހެއެވެ. ކޮންމެޔަކަސް މި ބޭފުޅާގެ ފަތިފުށުން ތަންފުށެއް ނެގުމަކީ މިހާރު އަޅުގަޑަށް ނުވެ އޮތް ކަމަކަށް ވާތީ ލޮލުފިޔަ ނުޖެހިގެން އެފަތިފުށް ގަޑު އޮތްތަން ހާވާ ބަލަން ފެށުމުން އެފެންވަރު ބޭފުޅެއްގެ ފަރާތުން ނުފެންނަންޖެހޭ ވަރަށް ހަޑި ހުތުރު ކަމެއް ފާހަގަ ކުރެވިގެން ދިޔައެވެ. ކޮންމެޔަކަސް އަޅުގަޑު ހިތަށް އެރީ އެވާހަކަ މިތާގަ ހަމަ ނަކަލުކޮށް ތި ކިޔުންތެރިންނާ މިކަންތައްތއް ހިއްސާކޮށްލުމަށެވެ. ދަންނަވަންތޯއެވެ !!! ހުޅުދޫ ފަންޑިޔާރުމަނިކުފާނަކީ ތެއްދީ އަށް ނިސްބަތްވާ ގަޢުމުގެ ވަރަށް ގަދަރުވެރި ކަމަށް ބުނާ ޢާއިލާ އެއްގެ ބޭފުޅެލެވެ. ގަދަރު ވެރިވުމަކީ އަދި ޝާހީވުމަކީ އަޅުގަޑު ބަލާކަމެއް ނޫނެވެ. ގަދަރެއް އޮތަސް ޝަރަފެއް އޮތަސް އިޙުތިރާމް ދެވޭނީ އެފަދަ މީހުންގެ ފަރާތުންވެސް އިހުތިރާމަކީ އޮތް އެއްޗެއްކަން އެގޭފަދަ ގޮތަކަށް އެފަދަ ބޭފުޅުންގެވެސް ދިރިއުޅުން ބައްޓަން ކޮށްގެންނެވެ. ކޮންމެޔަކަސް މި ފަނޑިޔާރަކީ މިހާރު ހުޅުދޫ އަށް ފާވެފަ ހުރި ބޮޑު ފުރޭތައެއްކަހަލަ ފަނޑިޔާރެކެވެ. މީހުން ނިކަމެތިކުރުމާއި މީހުންނަށް އަނިޔާކުރުމުގައި މީ ލާމަސީލު ނަމޫނާއެކެވެ. ކޮންމެސް އެހެންދުވަހަކުން މީނަގެ އަނިޔާވެރިކަމުގެ ވާހަކަ ލިޔާނީއެވެ. މިހާރު ލިޔާނީ މީނަގެ ރިވެތި އަޙުލާގުން ސަފުހާއެކެވެ.

އަޅުގަޑުމެންގެ ރަށުގައި މިގެކުރިން ހުރި ފަނޑިޔާރު ފަދައިން މީފަޑިޔާރަކީވެސް ވަރަށް އަންހެނުން ހިތި ފަނޑިޔާރެކެވެ. މީހަކާ ކައިވެނި ކޮށްގެން ދަރިޔަކު ލިބިފަ ހުއްޓަސް ވަގު އަނބިން ގެންގުޅުމަކީ މީނަގެ އާދައެކެވެ. ހުޅުދޫގެ ބަންނަވާގެ މުރާސިލު ޙަބަރު ދޭގޮތުގައި މިހާރު މި ފަނޑިޔާރު ދަނީ ވަރަށް ވަރުގަދަ ކަސޯޓީއެއް ކުޅެމުންނެވެ. ހުޅުމީދޫ އިންޖީނުގޭ ފުރަގަހުގަ އޮންނަ ލޯބީގެ ބުޖަޑާގަ މީނަގެ ކުރީގެ ލޯބިވެރިޔާ އާއި ދެމީހުން ކޮންމެރެޔަކު ހަނީމޫން ހަދާކަމަށާއި އެ ލޯބިވެރިޔާ އަކީވެސް މީހަކާއި ކައިވެނިކޮށްގެން ހުރިމީހެއްގެ އަންބެއްކަމަށްވެސް މުރާސިލު ބުނެއެވެ. އަދި މިހާރު ފަނޑިޔާރުގެ އާޢިލީ މޫސުން ލަފާކުރާގޮތުގައި ފަނޑިޔާރުގެ އާޢިލާއަށް ކުރިއަށް އޮތް މަދުދުވަސްކޮޅު ތެރޭގަ ބިންހެލުމެއް އައުމަކީ ކާރިކަމެއްކަމަށް އާޢިލީ މޫސުމާއިބެހޭ ހުޅުދޫ ކޯޓް އޮފު ޑިވޯސްއިން ހާމަކުރެއެވެ.

ކޮންމެޔަކަސް އަޅުގަޑުގެ މައްސަލައަކީ އަޅުގަޑުމެންގެ މި ލޮބުވެތި ހުޅުދޫގެ ފަނޑިޔާރު މަނިކުފާން، އެއީ ތެއްދީގެ ފަނޑިޔާރަކަށްވިޔަސް މީހެއްގެ އަނބެއްގެ ކާރިޔަށް ދިއުމެއްނޫނެވެ. އަދި އެހެންމީހަކު ދެކެ ލޯބިވުމެއްވެސް ނޫނެވެ. އަޅުގަޑަށް މައްސަލައަކީ އަޅުގަޑުމެންރަށުގެ މިފަދަ އަބުރު ވެރި ދިރި އުޅުމެއް އުޅެންޖެހޭ ބޭފުޅަކު އަބުރު ގެއްލޭގޮތަށް އުޅުމެވެ. އެހެން މީހުންނަށް ނަމޫނާ އަކަށް ވާންޖެހޭ ބޭފުޅަކު ސީއްދި ނާސި އަންހެނަކު އުޅޭހެން އުޅުމެވެ. މިބޭފުޅާއަކީ އަޅުގަޑުމެން ރަށުގެ އުޅެމުންދާ އާޢިލާތަކުގަ އާޢިލީ މައްސަލަ ޖެހުމުން ހައްލުކުރަން ހުންނެވި ބޭފުޅާއަށް ވީތީއެވެ. ލޯބިން ގުޅޭ ދެހިތެއް ވާކިވާ ވަގުތު އެދެހިތް ލޯބީގެ އަގުހުރި މުތުން ޖަރީކޮށްފަ ގުޅުވަދޭން ހުރިބޭފުޅާ ކަމުގައި ވީތީއެވެ.

ދަރިފުޅަށް ދޭން ގަންނަ ކިރުދަޅުވިޔަސް އަދި ނެޕީ ގަޑުވިޔަސް މިދޫ ސައުތު ސިލެކުޝަނުން ނޫނީ މީދޫއިން ނޫނީ ނުގަތުމަށް މައިދައިތައަށް ބޮޑު އަމުރުން އަމުރުކޮށްފައިވާ މިބޭފުޅާއަށް އަޅުގަޑުމެން މި އުޅުން ބަދަލުކުރުމަށް އިލްތިމާސް ކުރަމެވެ. އަބުރު ވެރި ދިރިއުޅުމަށް އުޅޭށެވެ. މަނިކުފާނު އުޅޭނޫޅޭ ގޮތް ބަލާނެ މީހުން ތިބިކަން ވެސް ހަނދުމަކުރާށެވެ. އާޢިލީ ކަންކަމުގައި ކޮންމެ ގޮތަކަށް ކަންކުރިޔަސް މުޖުތަމަޢަށް އޭގެ ނުބައި މެސެޖު ނުދެވޭގޮތަށް ކަންކުރާށެވެ. ވަރި ނުކުރުމަށާއި، ހަރާން ޒިނޭކުރުމުން ހައްދު ޖެހުމަކީ އޮތްކަމެއްކަން އެގޭ ފަދައިން އެފަދަ ކަންތައްތަކުން ހިތަށް ހަމަޖެހުން ލިބޭނެ ގޮތަކަށް ކަމެއް ނުކުރައްވުމަށް އަޅުގަޑު އަމުރު ކުރަމެވެ. އެހެން ނޫނީ މަނިކުފާނުވެސް ޖެހޭނީ ކުރީގެ އަޅުގަޑުމެންގެ ރަށުގައި ހުރި އަފުންގެ ފަޑިޔާރު މަނިކުފާން ފަދައިން އަނބިންނާއި ކުދިންނާއި އަދި ހުރިނަމަ ހުރި މުދަލަކާއެކީ ދޫކޮށް މި ލޮބުވެތި ހުޅުދޫއިން ފެއްސިގެންދާށެވެ. އެއީ އަޅުގަޑު ދެކެން ބޭނުން ނުވާ މަންޒަރަކަށްވިޔަސް އަޅުގަޑުޖެހޭނީ އާޢިލީ މޫސުމާއިބެހޭ ހުޅުދޫ ކޯޓް އޮފު ޑިވޯސްއިން ނިންމާ ނިންމުމަކަށް އިޙުތިރާމާއެކު ބޯލަބާށެވެ. ނިންމާލުމުގެ ކުރިން މަނިކުފާނު ކާރިން ކޮށްލަން ބޭނުންވެފައިވާ ސުވާލެއްވެސް އެބައޮތެވެ. އެއްކަލަ ހުޅުދޫ ސްޕޯޓްސް ނަމުގަ ހުޅުދޫ ޒުވާންގެބަޔަކު ބުރިން ހަނދަމާއިގެން ފިހާރަތަކަށާއި އަދި ސާހޮޓާތަކަށް ދަރަނިވެރިވެގެން އަތޮޅުފެންވަރުގެ ކަރަންޓްކަޑާލި ވޮލީ މުބާރާތުގެ ތަށި އަދި ވެސް ހުރީ ހަމަ މަނިކުފާނުގެ ޓީވީ ކަބަޑު މަތީގައިތޯއެވެ؟ އަދި އެ މުބާރާތުގައި ލިބުނު ލޯ މެޑަލްތަކާއި އެލްމެނިޔާ މެޑަލްތައް ހަމަ އަދިވެސް ތިބީ މަނިކުފާނުގެ ކަރުގައިތޯއެވެ؟ މާފުކުރައްވާތި...މި ސުވާލު މިހެން ހަމަ މިކޮށްލީ އެއީ ބައެއްގެ ނުހަނު ބޮޑު ހައްގަކަށް ވާތީ، މަނިކުފާނަށް އެ ހައްގުގެ މައްޗަށް މަނިކުފާނުގެ ތި އަބުރު ވެރި ފައިނޕުޅުން އެރިދާނެތީ ހަމަ ގަންނަ ބިރެއްގެ ބޮޑުކަމުންނެވެ. އެ ހައްގުގެ މައްޗައް ނާރާހުރި ކަމުގާ ވާނަމަ ދެން އަޅުގަޑު ކިޔާނެ އެއްޗެއްނެތެވެ. ދެން އެވާހަކަދައްކަން ބިދޭސީ ލޯންގު މުހުއްމަދު އަތަށް ދޫކޮށްލަމުން އަލުގަޑު ހުއްޓާލާނަމެވެ.

ތިރީގައި މި ލިޔެލަނީ މަނިކުފާނުއަށް ސަލާން ބުނުމަށް އެދި އަލްބަންނަވާއަށް ސިޓީ ފޮނުވާފައިތިބި ބޭފުޅުންގެ ނަންތަކެވެ.

1- ހުންބޯ

2- ބެއްޔާ

3- ލައިކާ

4- ހުންނޫ

5- މޫސާ

6- ފެރެޑޭ

7- މާމާ

8- އިބުރާޖީ

== ކަރުކެހި އަދުރޭ == 19:02